Белми калма

Казанның 12 нче мәктәбендә («Мишпахтейну») белем алучы 6-10 сыйныф укучылары Malcolmco продюсерлык үзәге һәм «Слово автора» китап авторлары һәм шагыйрьләр клубы белән берлектә аудиокассетада чыгачак үзенчәлекле музыкаль альбом тәкъдим иткән.

Россия Мәгариф министрлыгы 10 нчы сыйныфка кабул итү тәртибен аңлатты. Ведомство мәгълүматлары буенча, мәктәп укучыны ике очракта кабул итмәскә мөмкин: әгәр буш урыннар булмаса яки профильле сыйныфка керү өчен үткәрелгән шәхси сайлап алуны үтә алмаса.

СДЭК һәм OneTwoTrip үткәргән сораштыру нәтиҗәләре буенча, Казан Россиядә гастрономик сәяхәт өчен иң кызыклы шәһәр дип табылган. Башкала өчен респондентларның 54 проценты тавыш биргән.

16 июльдә Казанда Татар китабы йорты ишегалдында «Безнең урам музыкасы» дип аталган җәйге ачык һава концерты узачак. Чара Шәриф Камал музее урнашкан Островский урамы, 15 адресы буенча сәгать 18:30да башлана.

Татарстан чыгарылыш сыйныф укучылары, беренчел мәгълүматлар буенча, Бердәм дәүләт имтиханнарында 460 йөз баллы нәтиҗә күрсәткән. Югары баллны барлыгы 408 укучы җыйган. Бу хакта Татарстан Республикасы Хөкүмәте йортында узган брифингта республиканың мәгариф һәм фән министры Илсур Һадиуллин хәбәр итте.

Татарстанда БДИның барлык фәннәр буенча уртача баллары Россия күләмендәге күрсәткечләрдән югарырак. Ә әдәбият һәм химия буенча аерма сигез балл тәшкил итә. Бу хакта Татарстан Республикасы Хөкүмәте йортында узган брифингта Татарстанның мәгариф һәм фән министры Илсур Һадиуллин хәбәр итте.

Республика матбугат һәм массакүләм коммуникацияләр агентлыгы – «Татмедиа» каршындагы Яшьләр советы үсмерләрне деструктив эшчәнлеккә җәлеп итүне кисәтүгә багышланган сериал әзерләде. «Без челтәрдә нәрсә эшлибез?» дип аталган проект «Идел» журналы мәйданчыкларында чыкты һәм беренче көннәрдә үк 10 меңнән артык карау җыйды.

Мәгариф министрлыгы балаларның гаджетлар куллану вакыты буенча тәкъдимнәр әзерләгән. Бу хакта РИА Новости ведомство хатына сылтама белән хәбәр итә.

Россиядә кеше хокуклары буенча вәкаләтле вәкил Яна Лантратова мәктәп укучылары өчен гаилә тормышы дәресләрен, ә яшьләр өчен гаилә клубларын оештырырга тәкъдим итте. Аның фикеренчә, мондый чаралар Россиядә аерылышулар санын киметергә ярдәм итә ала.

Яшүсмерләр арасында экстремаль субкультуралар дип аталган күренешләр модада, куркыныч мавыгулар популярлаша бара. «Татар-информ»да узган матбугат конференциясендә Татарстан Республикасы мәгариф һәм фән министры урынбасары Алсу Асадуллина аларның төп төрләрен атады.

Россиядә яңа уку елыннан беренче сыйныф укучыларына өй эшләре бирелмәячәк. Бу хакта РИА Новости, Мәгариф министрлыгы хатына сылтама белән, хәбәр итә.

Изге Биләр җирендә Сәләт Биләр Форум сменасы башланды. Быел «Сәләт» җыены – 30 еллыгын, ә Сәләт форумнары 15 еллыгын билгеләп үтә. Форум Россиянең төрле төбәкләреннән һәм Татарстанның барлык районнарыннан 800гә якын баланы берләштерә. Смена фән, иҗат һәм сәнгать, спорт юнәлешләрен берләштергән тематик лабораторияләр форматында уза. Анда «Сәләт»нең «Раушан», «Биләр каласы», «Гайрәт», «Азнакай», «Рухият», «Саба» җәйге профильле аланнарында катнашучы сәләтле балалар һәм яшьләр җыелды.

Быел «Дуслар» халыкара яшьләр лагере Берләшкән Гарәп Әмирлекләрендә узачак. Смена 27 октябрьдән 3 ноябрьгә кадәр Абу-Дабида оештырыла. Татарстанны халыкара дәрәҗәдә тәкъдим итү мөмкинлеген республикадан 70 делегат алачак. Алар арасында 14–17 яшьлек яшүсмерләр һәм әйдаманнар булачак.

Россия мәктәпләрен тәмамлаган һәм БДИның теләсә кайсы ике фәненнән барлыгы 200 балл җыйган укучылар махсус мобиль номерлар ала алачак. Бу хакта Россия Мәгариф министрлыгы хәбәр итә.

Россия Президенты ярдәмчесе Владимир Мединский чыгарылыш дәүләт имтиханнарын – җәмгыять белеме һәм тарих буенча имтиханнарны – берләштерү мөмкин дип саный. Әгәр мондый карарны Мәгариф министрлыгы кабул итсә, аны гамәлгә ашыру кимендә өч ел вакыт алырга мөмкин. «Мин моны хуплар идем. Пропорция якынча 8гә 2 булырга тиеш, тарих файдасына. Әмма карар Мәгариф министрлыгы карамагында», – дигән Мединский «Мәгърифәтчеләр. Җәмгыять белеме» укытучы-блогерлар конференциясенең пленар утырышында. Шулай итеп ул тарих һәм җәмгыять белеме буенча чыгарылыш имтиханнарын берләштерү мөмкинлеге турындагы сорауга җавап бирде. Элегрәк Россия мәктәпләрендә 2027/2028 уку елыннан 9 нчы сыйныф укучылары өчен тарихтан телдән имтихан кертеләчәге билгеле булды. Бу хакта мәгариф министры Сергей Кравцов хәбәр иткән иде. 2025 елның маенда җәмгыять белеме Россия мәктәпләрендә 2026 елның 1 сентябреннән 9 нчы сыйныфтан өйрәнелә башлаячак дип игълан ителде. Моңа кадәр аны 6 нчы сыйныфтан ук өйрәнә башлыйлар иде.