Айгөл ХӘБИБРАХМАНОВА автор яңалыклары

Беркөнне иптәш кызым белән каһвәханәдә сөйләшеп утырдык. Ул миңа үз мөнәсәбәтләре турында сөйләде. Сәгать ярым аның бәянен тыңлаганнан соң мин бераз шок халәтендә идем. Моны синең белән дә бүлешәсе килә (дустым рөхсәте белән, әлбәттә).

Беркөнне йоклый алмыйча азапланып ята идем, хат килеп төшмәсенме! «Сәлам, чибәркәй! Танышып карыйкмы соң?» – дип язып салган берәү. Күземә күренәме әллә дип торам... Ник дигәндә, моңа кадәр шул ук көнне нәкъ шундый эчтәлекле 3 хат алмаган булсам, бәлки ул кадәр шаккатмас идем дә. «Кызлар белән танышу өчен ысуллар» китабы чыгарып, бөтен дөнья егетләренә өләшеп чыкмаганнардыр бит? Алайса каян аларда шулкадәр «оригинальлек»? Мондый хәлләр сирәгрәк кабатланыр дигән ышаныч белән, танышу этабы һәм аралашу вакытында кызларның һәм егетләрнең ачуын китерә торган сүз/гамәлләрне бер урында тупларга булдым! Әлеге язма сиңа кызыклы, вә файдалы булыр дип ышанасы килә!

Телевизордан биергә өйрәтә торган тапшырулар карап үскәнгәме, бию сәнгатенә мөкиббән кеше мин! Зәвыклы, нәфис итеп бии торганнарга һәрвакыт сокланам, шул исәптән, бүгенге язмамның героена да! «Арт-Авеню», «Идел буе кубогы», «Щелкунчик» сыман бәйгеләрдә беренчелекне яулаган, «Идел» ансамбле биючесе – Ралия Дәүләтшина – сәхнәдә биеп кенә калмый, ул анда гүя йөзә. Залдан йөзләгән күз карап торганда сәхнәдә бию ничегрәк икән ул? Әйдә, үзеннән сорыйк!

Бүген сине күпсанлы иҗади бәйгеләрдә җиңүче булган шәхес, зур сәләт иясе – Азалия Сабитова белән таныштырасым килә! Аның хикәяләре «Ялкын»да да басылды инде. Азалиянең иҗаты белән тәүге тапкыр күзгә-күз очрашуга ук аңладым: киләчәктә ул әдәби өлкәдә бик зур уңышларга ирешәчәк. Әйдә, үзе белән якыннанрак танышыйк!

«Капчык», «кармаклау», «һөҗүм», «подсечка», «подбив»... Нинди сәер сүзләр җыелмасы бу дисеңме? Ә менә чын көрәшчеләр исә мине аңларга тиеш, чөнки бу нәкъ шул өлкәдә генә кулланыла торган сүзләр. Һәр алымны уйлап башкаручы, игътибарлы һәм үҗәт булырга кирәк көрәштә.

Сәлам, дустым! Бүген синең белән аралашуны бик үк тыйнак булмаган сораудан башлыйсым килә: син еш алдашасыңмы? Аклану кирәкми, һәр кеше гомерендә шактый алдый, әлбәттә, чөнки бу – табигый күренеш.

Зур сәхнәдән аның яшь тавышы яңгырагач, киләчәктә татар эстрадасының тагын бер кат чәчәк атачагына һич шигем калмады. Кем турында шулай зурлап сөйлим дип уйлыйсызмы? Яшь башкаручы, Ришат Төхвәтуллин төркеме солисты – Kamal – Камил Вәлиев турында сүзем!

Сәлам, дустым! Үзең шигырьләр иҗат итәсең, яки шагыйрьләргә мөкиббән китүчеме син? Кем генә булсаң да, әлеге язма синең өчен кызыклы булыр дип ышанасы килә, чөнки монда мин шагыйрьләргә иң еш бирелә торган сорауларга җавап бирергә тырышачакмын! Үземне шагыйрә, дип әйтә алмыйм, ләкин кайчак каләм тибрәткәләштергәлим! Әйдә, синең сорауларыңа күчик!

Үземә хас кызыклы үзенчәлеккә игътибар иттем: мин тәүлекнең теләсә нинди вакытында активлаша алмыйм икән. Төгәлрәк итеп әйтсәм, нәкъ менә төнлә мин үземне максималь рәвештә рәхәт һәм эшкә әзер итеп тоям. Көндез мин көчсез һәм сүлпән. Йокыдан иртә торсам да, тулысынча уянып беткәнче төшке аш вакыты җитә, ә аннан соң инде берни дә эшлисе килми, шул карават ягына кире авышудан башканы уйлап та булмый.

Беркөнне укудан кайткан чактагы күренеш: Кич. Яңгыр коеп ява. Мин, авыр сумкамны бер як җилкәмә генә асып, тукталышка чабам. Ә анда бик күп кеше. Автобуслар бер-бер артлы узып китә. Кайсы туктый, ләкин анда инде мин сыярлык урын юк. Ун минут уза, унбиш, егерме. Ә мин көтәм дә, көтәм...

Нәкъ бер ел элек БДИ тапшырудан шундый каты куркып, тәмам калтыранып, имтихан бирәсе фәннәрне сайлап йөргән чагым булса, бүген исә күптән хыялланган югары уку йортына керүемә нәкъ ике ай – кечкенә генә бәйрәм дисәк тә була.

Әгәр мине нидер борчый башласа, гадәттә, мин әлеге күренештән үзем дә сизмәстән качарга омтылам. Шунысы кызыклы: башка беркемгә дә сөйләмичә качарга омтылам, чөнки әлеге «чишелмәс» (булып тоелган) проблема бары тик үземә хас, һәм башкалар тарафыннан кабул ителмәс кебек тоела. Ләкин күптән түгел мин бәйләнчек уйлар тайпылышы турында мәгълүматка тап булдым (обсессив-компульсив тайпылыш).

Үз тормышымда булган вакыйга белән бүлешеп китим әле! Беркөнне үземә дә, дустыма да ошардай спектакль сайлап, аны театрга чакырырга теләдем. Дустымның җавабы мине шаккатырды. Диалог мондыйрак иде:

Берөзлексез борын тарткан, тамак кырган кешеләрдән мин, үзем дә сизмичә, ераккарак китәргә тырышам. Ни өчен шулай дисеңме? Чөнки кемдер өчен гадәти һәм нормаль булып тоелган әлеге тавышлар минем ачуымны чыгара, аларны ишеткәч йөрәк тибеше ешая һәм эчтә ачу кайный башлый. Әлеге күренеш миңа гына таныш түгел, чөнки җир шарында мизофониклар гаять күп. Кемнәр соң алар?

Якынча бер ел элек «экстраверт» һәм «интроверт» сүзләрен ишеткәндә моңа артык зур игьтибар бирмәдем, гомумән, аларның ни аңлатканын белми идем, ләкин үзем интроверт белән танышып, якыннан аралаша башлагач, барысы да ачык аңлашыла башлады. Берничә ай дәверендә мин яңа дустымны өйрәндем, һәм әлеге язмада интровертлар белән мөнәсәбәтләрне җайга салырга ярдәм итүче күзәтүләр белән бүлешергә телим.