БУ – СЕР!

• 

  «МИН – ТЕЛЕФОН КОЛЫ...»

  21 марта 2021 - 10:13

  3849

  0

  0
  «Мин телефонга бәйле. Бу турыда моңа кадәр үк әти-әнием, дусларым әйтә иде инде. Аларны тыңламый, ишетми идем. Хәзер моны үзем дә аңлый башладым. Чыннан да кереп китәм дә, чыга алмыйм. Көнем дә, төнем дә шул телефонда уза. Бу бәйлелектән ничек тә булса арынып буламы?»
• 

  «УКЫТУЧЫ АБЫЙ БӘЙЛӘНӘ...»

  14 марта 2021 - 10:46

  3825

  0

  1
  «Мин моны матур итеп ничек кенә аңлатырга да белмим. Безнең мәктәптәге укытучы абый миңа артык зур игътибар белдерә. Башта: «Бигрәк матур син бүген», – кебегрәк сүзләр әйтеп китсә, хәзер коридордан узганда миңа бәрелеп яки сыланып узып китә башлады. Дәрестә кулыма кагылганын еш сизәм. Мәктәпкә бару бер җәза булып тоела. Әти-әниләргә сөйләргә куркам...»
• 

  «ДУСЛАРЫМ МИННӘН ЧИТЛӘШТЕ...»

  3 января 2021 - 10:05

  3926

  0

  1
  «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
• 

  «ЕГЕТЕМ ТАШЛАДЫ...»

  28 ноября 2020 - 12:49

  3571

  0

  0
  «Ел ярым очрашып йөргәннән соң егетем ташлады. Бер сыйныфта укыйбыз. Көн саен аны күрү бик авыр. Ул үзе дә читенсенә. Күземә карамаска, минем белән сөйләшмәскә тырыша.
• 

  «ДУСТЫМНЫ ӘТИ-ӘНИСЕ КЫЙНЫЙ»

  10 октября 2020 - 12:07

  3521

  0

  1
  «Якын дустымны әти-әнисе кыйный. Алар начар гаилә түгел, эчмиләр, тартмыйлар, уңган, тырыш кешеләр. Ник алай эшләүләрен һич аңламыйм. Берәр эшне алар теләгәнчә башкармаса да, сеңлесе еласа да кыйныйлар икән. Кул күтәреп, кешене тәрбияләп булмый бит... Дустыма ничек ярдәм итим?»
• 

  «ДУСТЫМ МӘХӘББӘТ АҢЛАТТЫ»

  26 сентября 2020 - 14:01

  4060

  0

  0
  «2 яшькә кечерәк дус егет көтмәгәндә мәхәббәт аңлатты. Без аның белән төрле темаларга рәхәтләнеп сөйләшә алабыз. Бергә күңелле, ләкин мин аны егетем буларак күрмим. Дуслыкны да бозасы килми. Нишләп карарга икән?»
• 

  «ДУС КЫЗЫМ ТӘМӘКЕ ТАРТА»

  29 августа 2020 - 11:24

  2532

  0

  0
  «Кечкенәдән бергә уйнап үскән дус кызым тәмәке тарта башлады. «Әйдә, син дә тартып кара инде» кебек сүзләр әйтеп, мине дә бу «эшкә» тартмакчы була. Ул үзе – яхшы кеше, ышанычлы дус. Нишләргә киңәш итәсез?» Аноним, 15 яшь
• 

  «ДУСТЫМ ӘЙБЕРЛӘР УРЛЫЙ!»

  28 июля 2020 - 10:54

  2405

  0

  0
  «Өч ай элек кыйбатлы сәгатемне югалттым. Аны әти белән әни 16 яшьлегемә бүләк иткәннәр иде. Шушы вакыт дәвамында һаман эзлим, әмма таба алмыйм. Бик озак искә төшереп карадым. Кая куеп калдырганымны хәтерләмим. «Урламадылармы икән?» дип тә шикләнәм. Сәгатем югалган көннәрдә бездә дус кызым кунакта булган иде... Ул түгел микән? Аның үзеннән сорарга батырчылыгым җитми. Араларны да бозасым килми».
• 

  «ӘТИ-ӘНИ ИРЕГЕМНЕ КЫСА...»

  8 июля 2020 - 11:00

  2711

  0

  0
  «3 ел элек апам никахсыз балага узды. Җаннарына әле дә тынычлык тапмаган әти-әнием шушы хәлдән соң мине бик нык контрольгә алды: «анда барма!», «ул егет белән очрашма!» дип кенә торалар. Апамның ялгышлыклары  аркасында ирегемне кысуларын теләмим. Минем соң ни гаебем бар?!»
• 

  «АНЫҢ БЕЛӘН КҮРЕШЕРГӘ КУРКАМ...»

  9 июня 2020 - 15:29

  2277

  0

  0
  «Моннан өч ай элек Интернет аша бер егет белән таныштым. Соңгы көннәрдә очрашуга чакыра. Мин, аның белән күзгә-күз калырга куркып, төрле сәбәпләр табып, очрашудан баш тарттым. Тик гел болай дәвам итә алмый... «Мине ошатмас» дигән шигем дә бар. Кеше Интернетта бер, тормышта икенче бит ул. Аның турында күпләр «бик яхшы егет ул» диләр. Нишләргә икән? Киңәш бирегезче».
• 

  «ӘНИ ТЕЛЕФОНЫМНЫ ТИКШЕРӘ»

  6 июня 2020 - 08:46

  1942

  0

  0
  «Әни телефонымны тикшерә. Аның шәхси әйбер булуын аңлатып та карыйм – файдасыз. Берсендә хәтта шуның аркасында бик каты сүзгә дә килдек. Әти дә әйтеп карый. Барыбер мин күрмәгәндә генә тикшергәли. Нәрсәдән шикләнәдер – аңламыйм. Нишләргә?»
• 

  «БУЕМ КЫСКА... НИШЛИМ?!»

  3 июня 2020 - 11:16

  1838

  0

  0
  «Минем буем кыска. Тиздән мәктәпне тәмамлыйм. Кызлар каратасым килә. Шундый булып туганыма берәүнең дә гаепле булмавын аңлыйм. Тик барыбер кыен миңа. Егетләр янында да аерылып торам. Алар тарафыннан төрттерүләр дә булгалый. Спорт белән шөгыльләнү, нәрсә булса да ашау шулай ук булышмый. Әти-әнием дә кыска буйлылар...»
• 

  «МӘКТӘПНЕ ТӘМАМЛАГАЧ, КИЯҮГӘ ЧЫГАРГА ТЕЛИМ»

  27 мая 2020 - 16:47

  1905

  0

  0
  «Хәзер мин 11нче сыйныфта укыйм. Егетем бар. Аңа 23 яшь. Мин укып бетергәч, өйләнешергә телибез. Әмма әти-әнием моңа бик каршы. Кияүгә чыксам да,  укуымны дәвам итәргә уйлыйм. Алар барыбер ризалык бирми. Нишләргә киңәш итәсез?»
• 

  «БАЛАМ, УНИВЕРСИТЕТНЫ ТАШЛЫЙМ, ДИ...»

  3 мая 2020 - 13:16

  1529

  0

  0
  «Исәнмесез, кадерле «Ялкын» редакциясе. Ике ел элек улыбыз, БДИны уңышлы гына тапшырып, Казандагы югары уку йортларының берсенә укырга кергән иде. Инженер һөнәре алып чыгарга тиеш. Тик соңгы вакытта укуын ташлау турында уйлана. Музыка көллиятенә китәм, ди. Нишләргә дә белгән юк, бик борчылабыз. Бигрәк тә ирем каршы. Ир-ат югары белемле булырга тиеш, ди. Берәр файдалы киңәш бирсәгез иде...»
• 

  «ИНТЕРНЕТТА УТЫРЫРГА РӨХСӘТ ИТМИЛӘР»

  23 марта 2020 - 10:54

  2192

  0

  0
  «Әти-әнием миңа Интернетта утырырга рөхсәт итми. Күп дигәндә, атнага бер тапкыр керергә ярый. Алардан качып анда утырудан туйдым. Дусларым Интернетта аралаша. Мин кайчак мөһим яңалыкларны да белми калам. «Миңа әти белән әни Интернетта утырырга рөхсәт бирми» дип әйтә алмыйм бит инде аларга. Нишләргә?»