12 сентябрь 2019 яңалыклары

Дуслар, бүген без, ниһаять, “Газпром трансгаз Казан” компаниясе белән берлектә уздырылган “ЯШӘҮ ЧЫГАНАГЫ – ГАЗ” бәйгесенә йомгак ясадык. Бәйгенең финал өлешенә 10 укучы узды. Бүген алар барысы да “Газпром трансгаз Казан” компаниясе бинасына бәйрәм тантанасына җыелды. Җиңүчеләрне компаниянең генераль директоры Рөстәм Усманов котлады.

Сентябрь башыннан Кәрим Тинчурин исемендәге Татар дәүләт драма һәм комедия театрында зур үзгәрешләр бара. Татарстанның мәдәният министры Ирада Әюпова театрның баш режиссеры белән хезмәт килешүе өзелүен хәбәр итте. Хәзер театр баш режиссерсыз эшләячәк.

Мин автобуста тик кенә бара алмыйм. Менә бу юлы да, иске генә «пазик»ка килеп керүгә, алгы рәтләрнең берсендә утыручы төксе генә чырайлы бер кыз янына чүктем дә шундук сорап куйдым: – Берәр кая барасызмы әллә? Беләм, мәгънәсез сорау. Кая булса да бара бит инде ул; кеше кай- да йөрмәс, ризыгы булса, җир читенә дә барып чыга адәм баласы...

Киләсе 10-15 елга план корып, үзеңнең кайда эшләячәгеңне белем буламы? “Иртәгәге түгел, бүген нәрсә буласын да белеп булмый”, дияргә ашыкма. Арбаны – кышын, чананы җәен әзерләгән кебек, киләчәк профессияң белән алдан танышып куйсаң, нәтиҗәле булачак. Мәктәп укучыларына үзләрен профессиядә сынап карау өчен Россиядә “Киләчәккә билет “проекты башланды.

Көз һәр кешенең күңелендә төрле хисләр уята: кемдер алтын-сары төскә күмелгән бу вакытка ихластан сөенә, бу айлардан үзенә илһам, көч ала, ә кемдер көзләрдә сагышка бирелә, хатирәләр дөньясына чума... Ничек кенә булмасын, бу ел фасылы һәр кешенең күңелендә үз урынын таба. Ә беләсезме, көзне нәрсә белән тагын да ямҗләндереп җибәреп була? Әлбәттә, иҗат, шигырьләр белән! Көз бит хисләргә, җанны айкардай кичерешләр шулкадәр бай!

Г.Камал театры артисткасы Раушания Юкачева һәрчак йөрәгенә таяна. Һөнәр сайлау, артист Николай Юкачевка кияүгә чыгу, табибларга каршы килеп, бала табу – барысы да йөрәк кушканга эшләнә. Ә ул табиб пычагы астына берничә мәртәбә эләккән йөрәк бит...