Психология тег белән яңалыклар

Беркөнне йоклый алмыйча азапланып ята идем, хат килеп төшмәсенме! «Сәлам, чибәркәй! Танышып карыйкмы соң?» – дип язып салган берәү. Күземә күренәме әллә дип торам... Ник дигәндә, моңа кадәр шул ук көнне нәкъ шундый эчтәлекле 3 хат алмаган булсам, бәлки ул кадәр шаккатмас идем дә. «Кызлар белән танышу өчен ысуллар» китабы чыгарып, бөтен дөнья егетләренә өләшеп чыкмаганнардыр бит? Алайса каян аларда шулкадәр «оригинальлек»? Мондый хәлләр сирәгрәк кабатланыр дигән ышаныч белән, танышу этабы һәм аралашу вакытында кызларның һәм егетләрнең ачуын китерә торган сүз/гамәлләрне бер урында тупларга булдым! Әлеге язма сиңа кызыклы, вә файдалы булыр дип ышанасы килә!

Истерика – кешенең эмоцияләрен контрольдә тота алмавы, шашынуы. Стресска реакцияне төрле кеше төрлечә күрсәтә. Кемдер елый, кемдер бертуктаусыз көлә, ә кайберәүләр тирә-ягындагы предметларны ыргыта һәм җимерә башлый. Моны кирелек яисә игътибар сорау дип кабул итү дөрес түгел. Чынлыкта, истерика халәтендәге кешене тынычландыра белү кирәк. Язмада шул хакта сөйләшәбез.

Перфекционистлар барлык өлкәләрдә дә камиллеккә омтыла, дөрес яшәргә тырыша. Нинди билгеләр перфекционизм сыйфатлары барлыгын күрсәтә? Һәм бу «чир» нәрсәгә китерергә мөмкин? Язмада шул турыда сөйлибез.

Безнең теләкләребез һәм гамәлләребез еш кына бер-берсенә каршы килә. Әйтик, җитди һәм тотрыклы мәхәббәт теләүчеләр чынлыкта моны бирә алмаган кешеләргә тартыла. Ни өчен безне эмоциональ яктан салкын кешеләр җәлеп итүен язмада ачыклыйбыз.

Язмада үзебезне кыйммәтсезләндерә торган көн дә кабатланучы җөмләләрне санадык. Күпләр өчен бу сүзләрдән тыелу тупаслык булып тоелыр, ләкин, чынлыкта, әлеге сүзләрне башкалары белән алыштыру үзбәябезне һәм шәхси чикләребезне сакларга ярдәм итәчәк.

«Сеңлемә 14 яшь, аның белән без кечкенәдән үк бик дус булдык, якын аралаша идек. Соңгы арада ул әти-әни белән дә, минем белән дә юньләп сөйләшми, тиз кызып китә башлады, хәтта 1-2 көн бөтенләй сөйләшмәскә мөмкин. Ул аның шундый үсеш чорыдыр инде, бәлки, тик миңа моңсу, аның белән элеккечә якын буласы килә».

Күптән түгел дус кызым белән очраштым, бик озак күрешмәгән идек һәм… Ул миңа бик тәфсилләп үзенең яңа егете турында сөйләде. Шундый хисле темага багышланган диалогта, еш кына «ред флаг» дигән сүзтезмәне кулланырга туры килде.

«Ярты ел чамасы вейп тартам. Сәламәтлеккә начар тәэсир итә икәнен беләм, акча ягыннан да «кесәгә бәрә». Әти-әнидән акча соравы кыен, тик бу бәйлелектән баш тарта алмыйм...»

Беркөнне укудан кайткан чактагы күренеш: Кич. Яңгыр коеп ява. Мин, авыр сумкамны бер як җилкәмә генә асып, тукталышка чабам. Ә анда бик күп кеше. Автобуслар бер-бер артлы узып китә. Кайсы туктый, ләкин анда инде мин сыярлык урын юк. Ун минут уза, унбиш, егерме. Ә мин көтәм дә, көтәм...

Гадәттә, күпчелегебез кичләрен берәр тәм-том эзли башлый: кухня шкафларын актара, суыткычны 10 тапкыр ачып яба... Әмма, белгәнеңчә, бөтен күзгә ташланган азык-төлеккә дә төнгә каршы тотынырга киңәш ителми. Ә менә язмадагы берничә ризык шундый төнге ачлык өянәге вакытларында зыянсыз гына коткара алачак!

Ни өчен без социаль челтәрләрдә ачуыбызны китергән әйберләрне күзәтәбез, тыңлыйбыз һәм укыйбыз? Бүген хейтфолловингның зыяны һәм ни өчен барлыкка килүенең сәбәпләре турында сөйләшәбез.

«Әтинең бертуган апасы мине яратып бетерми сыман. Гел өйрәтә, «өчле-тугызлы» киңәшләрен бирә, тәнкыйтьли, һәрвакыт үз балаларын мактый… Икетуганнарым белән дусмын, бу хәлгә хәтта исем дә китмәс иде, тик әниләре шундый булганлыктан, аларга кунакка барасы да, аралашасы да килми».

Мин кечкенәдән үк бик аралашучан бала булып үстем, нинди генә төркемгә килеп эләксәм дә үземне уңайлы хис итәм. Уртак тел табу, килеп эндәшкәннәрен көтеп тормыйча, үзем беренче адым ясау кебек гамәлләр миңа бервакытта да авырдан бирелми. Һәркайда үз урынымны таба алачакмын, дигән ныклы ышаныч бар минем күңелдә. Дөресрәге, бар иде.

Без, кешеләр, артык күп әйбергә игътибар бирәбез, кирәкмәгәнгә дә борчылабыз һәм эчтән үз-үзебезне «ашап» йөрибез. Начар гадәт, шулаймы? Зур шәһәрләрдә яшәүчеләр бу халәткә аеруча еш бирелә. Борчылу синдромы яшьләрдә дә, өлкәннәрдә дә көннән-көн үсә. Язмада борчылудан чын-чынлап коткара торган 5 ысулны тәкъдим итәбез.

Кечкенә чакта яратып караган мультфильмнардагы персонажлар исеме белән аталган психологик синдромнар турында сөйләргә телим. Әлбәттә, мин аларны үзем уйлап чыгармадым. Бу психологик синдромнар тикшеренүләр нәтиҗәсендә үзләренә шундый кызыклы исемнәр алган. Шуларның җидесе белән язмада таныша аласың, бәлки алар арасында үзеңнең яраткан героеңны да очратырсың һәм аның турында фикереңне үзгәртерсең