ЯШҮСМЕРЛӘР ӨЧЕН «ЯҢА СМЕНА» ДИП АТАЛГАН ЯЗГЫ МӘКТӘП БАШЛАНА

31 марттан 6 апрельгә кадәр «Смена» заманча мәдәният үзәгендә язгы мәктәп – «Яңа Смена» узачак. Катнашуга 14 яшьтән 19 яшькә кадәрге яшүсмерләр чакырыла, алар үзләрен эшчәнлекнең төрле иҗади өлкәләрендә сынап карый ала.

Укучылар алты лабораториягә бүленәчәк: әсәрләр, фотосурәтләр һәм музыкага нон-фикшн булдыру; сторителлинг алып бару; үз дизайнын һәм анимациясен эшләү. Казан турында бердәм проект – басма юл күрсәткеч, анимацион мультфильмнар, музыкаль альбом һәм күргәзмә булдыру өчен, һәр остаханә башкалар белән тыгыз элемтәдә эшләячәк. Төп дәресләр «Смена» заманча мәдәният үзәгендә узачак, шулай ук остаханәләрнең бер өлеше Ушкова йортында, ТР Милли китапханәсенең кулъязмалар һәм сирәк китаплар бүлегендә, ТР Милли музеенда булачак.

Барлык дәресләр дә бушлай. Мәктәптә катнашуга гаризаны 27 мартка кадәр сылтама буенча бирергә мөмкин. Сайлап алынучылар белән кураторлар элемтәгә керәчәк.

1. Нон-фикшн

Укулар 31 март-4 апрель һәр көн 15:00-18:00 сәгатьләрдә, 14 дән 19 яшькә кадәр яшүсмерләр өчен узачак.

Укытучы:

Кирилл Маевский – «Смена» заманча мәдәният үзәгенә нигез салучы һәм программа директоры, Ad Marginem нәшрияты башкарма директоры.

Проект өстендә эшләү өчен остаханәдә катнашучылар Казан һәм аның халкы тарихына чумачак һәм Кремль урамының әһәмиятле урыннарында булачак.

2. Сторителлинг

Укулар 31 март-4 апрель һәр көн 15:00-18:00 сәгатьләрдә, 14 дән 19 яшькә кадәр яшүсмерләр өчен узачак.

Укытучы:

Станислав Михайлов-Нордэн – сценарист, «Мишки ми-ми-мишки», «Куми-куми», «С.О.Б.Е.З», Take My Muffin мультфильмнарын уйлап табучы.

Катнашучылар сторителлинг һәм сценарий сәнгате нигезләреннән башлаячак – киңәйтелгән логлайн һәм синопсислар язарга өйрәнәчәк. Алар нигезендә фикшн-текстлар ятачак.

3. Музыка

Укулар 31 март-5 апрель һәр көн 15:00-18:00 сәгатьләрдә, 14 дән 19 яшькә кадәр яшүсмерләр өчен узачак.

Укытучы:

Александр Зайцев – композитор.

Катнашучылар музыкаль әсәрләр иҗат итүнең заманча ысуллары: басымлы, тавыш синтезы, сэмплирование, пространстволы һәм динамик эшкәртү белән танышачак. Төзелгән әсәрләр альбом форматында стримингларда бастырылачак, анимацион фильм бизәлешенең бер өлеше булачак.

4. Дизайн

Укулар 31 март-6 апрель һәр көн 15:00-18:00 сәгатьләрдә, 14 дән 17 яшькә кадәр яшүсмерләр өчен узачак.

Укытучы:

Анна Наумова - «Смена» заманча мәдәният үзәгенең дизайнеры һәм арт-директоры.

Программада китап конструкциясен һәм мөмкин булган композицион алымнарны өйрәнү, китап макетын булдыру практикасы, күп полосалы басмаларның жанрлы үзенчәлекләрен аңлау.

5. Анимация

Укулар 31 март-6 апрель һәр көн 15:00-18:00 һәм 18:30-20:00дә 14 дән 19 яшькә кадәр яшүсмерләр өчен узачак.

Укытучы:

Мария Дубровина – анимация сценаристы һәм режиссеры, мультсериалларның рәссам-аниматоры.

Беренче көннәрдә катнашучылар, бергә сәхнә сәнгатенә чумсын өчен, сторителлинг остаханәсе белән бергә мультфильмнар ясарга керешәчәкләр. Анимация белән эшләү өчен һәркем Adobe Photoshop, Adobe Premiere һәм Animate өйрәнә. Киләсе этап беренче раскадровка, сториматика эшләү һәм матур куелыш төзү булачак. Нәтиҗә – мультфильмнар сериясе.

6. Үз тарихыңны сөйләү ысулы буларак фотография

Укулар 31 март-6 апрель һәр көн 15:00-18:00 сәгатьләрдә, 18 дән 19 яшькә кадәр яшүсмерләр өчен узачак.

Укытучы:

Антон Михайловский – креатив продюсер, фоторедактор.

Воркшоп программасында: фотосерияләр булдыру үзенчәлеген һәм визуаль хикәяләү концепциясен өйрәнү, мисалларны тикшерү, проект идеясен эшләү һәм аны гамәлгә ашыру. Катнашучылар күргәзмә, китап яки сайтларга уникаль проект-тарихлар булдыру өчен фотосурәтләр ярдәмендә хикәяләү ясарга өйрәнәчәк.