Әлфинә ФӘЙЗКӘБИРОВА автор яңалыклары

Яңа 2025 елны каршы алырга һәрбер кеше әзерләнә һәм тулы өметләр белән ниндидер могҗиза көтә. Әлеге бәйрәмгә әзерләнү дусларга, туганнарга бүләк алудан башлана. Аннан соң кайда һәм ничек каршы алу белән дәвам итә. Әлбәттә, барыбызның да Яңа елны үзенчәлекле һәм кызыклы итеп каршы аласы килә. Шуңа күрә мин бәйрәмнәрегезне мавыктыргыч итеп үткәрер өчен, берничә уен тупладым.

Бүгенге яшәеш эш, уку, гаилә һәм башкалар белән тыгыз бәйләнгән. Һәр көн ниндидер ачыш, яңалык, шатлык яисә төшенкелек хисе алып килә. Әйтик, борчылу, эмоциональ яктан яну кебек проблемалар стресс башлануга этәргеч булып тора. Шуңа күрә организмда тискәре үзгәрешләр барлыкка килә. Мәсәлән, йокы туймау, баш авырту, тиз ару, йөрәк тибеше көчәю, мускуллар сызлавы күзәтелә. Әмма һәрберебез дә стресска бирешүчән дип әйтү дөрес түгел. Бер үк фактор бер кешегә бөтенләй йогынты ясамаска яки аз гына тәэсир итәргә мөмкин. Ә шул ук вакытта башка кешенең турыдан-туры сәламәтлегенә зыян салуы да ихтимал.