Саннар

• 

  ГЫЙНВАР 2025

  «Ялкын»ның гыйнвар саны тышлыгында сәләтле яшүсмеребез – 13 яшьлек диджей Касыймова Самира. Бәйрәмнәрдә матур сетлар белән сөендерүче Самира турында күбрәк белергә теләсәгез, әлеге санда аның белән чыккан интерьюны укып китә аласыз.
• 

  ФЕВРАЛЬ 2025

  «Ялкын»ның февраль саны тышлыгында фигуралы шуу белән шөгыльләнүче яшүсмерләр. Алар белән интервьюны шулай ук журналыбызда укып китә алас
• 

  МАРТ 2025

  «Ялкын»ның март саны тышлыгында сезне ясалма фәһем белән башкарылган рәсем каршы ала. Әлеге тышлык буенча аңлашыладыр: бу санны без табигатебезгә, экология мәсьәләләренә һәм матурлыкка багышладык. Монда сезне «Будет чисто» дигән экологик хәрәкәт, гиперкуллану синдромы, яңа экогадәтләр турында язмалар көтә.
• 

  АПРЕЛЬ 2025

  «Ялкын»ның апрель саны тышлыгында сәләтле яшүсмеребез – скейтбординг белән шөгыльләнүче 18 яшьлек Әмир Нуриев. Дистәләгән җиңүләре, хәтта үз кием бренды булган, 6 (!) фәннән БДИ бирүче Әмир турында күбрәк белергә теләсәгез, әлеге санда аның белән чыккан интервьюны укып китә аласыз.
• 

  МАЙ 2025

  «Ялкын»ның май саны тышлыгында берничә ел дәвамында журналыбызның якын дусларына әйләнгән Казанның Шиһабетдин Мәрҗани исемендәге 2 нче гимназиянең 9 «В» классы укучылары. Сүз уңаеннан: әгәр дә сезнең дә «Ялкын» битләрендә балкыйсыгыз килә икән, журналга класс белән язылыгыз. Иң күп укучы язылган классларга бездән бушка профессиональ фотосессия. Шәп бит?
• 

  ИЮНЬ 2025

  «Ялкын»ның июнь саны тышлыгын тормышка ашыру ясалма фәһем (искусственный интеллект) ярдәмендә башкарылды. Монда җәйнең рәхәт җылы көннәре, бәхетле балачак, табигать белән бәйләнеш сурәтләнгән.
• 

  ИЮЛЬ 2025

  «Ялкын»ның июль саны тышлыгында Гүзәл Хәйбуллованың матур картинасы. Аның рәссам булып китүе һәм, гомумән, үз эше турында тулырак журналыбыз битләрендәге интервьюдан укый аласыз.
• 

  АВГУСТ 2025

  «Ялкын»ның август саны тышлыгын тормышка ашыру ясалма фәһем (искусственный интеллект) ярдәмендә башкарылды. Монда күрсәтелгән рәсемнәр болай гына сайланылмаган. Без август санын Татарстаныбызга, аның районнары, матур урыннарына багышларга булдык.
• 

  СЕНТЯБРЬ 2025

  «Ялкын»ның сентябрь санын без тулысынча мәктәпкә багышларга булдык, шуңа күрә тышлыкны да барыбызга да таныш булган дәфтәр форматында ясадык.
• 

  ОКТЯБРЬ 2025

  «Ялкын»ның октябрь саны тышлыгында нәни кызчык сурәтләнгән. Аның каршында торган караңгы урман ул – безнең куркулар. Яшүсмер чакта курку хисе яңа форма ала: киләчәкне сайлаудан курку, башкаларга ошамаудан курку, аерылып торудан курку һәм башкалар.