12 декабрь 2022 яңалыклары

16 декабрьдә 18:00 сәгатьтә Бәшир Рәмиев исемендәге IT паркта «Салават күпере» журналының «СалаваTik» вокаль төркеме катнашында Татарча Яңа ел бәйрәме узачак.

13 декабрь 18.00дә Казанның «Сәйдәш» мәдәният үзәгендә «Апуш» балалар татар театр студиясе икенче спектаклен күрсәтәчәк. Тамашачыларга Йолдыз Шәрәпованың «Зоопарк-әлифба» спектакле тәкъдим ителә. Спектакль квест форматында бара. Төп персонажлар – игезәкләр Илназ белән Гөлназ һәм апалары «Зоопарк-әлифба» дигән серле квестка эләгә. Бертуганнар, төрле сынаулар аша узып, 38 җәнлек, кош-корт белән таныша.

9-11 декабрьдә Казанда «Экспедиция «Этнохаус» проекты буенча Төбәкара стажировка мәйданчыгы һәм педагоглар, волонтерлар өчен йомгаклау семинары оештырылды. «Экспедиция «Этнохаус» проекты «Халык уеннары фестивале»ның дәвамы булып тора. Проект кысаларында Татарстанның 11 районы буенча 11 көнлек автобус экспедициясе үткәрелгән.