«САЛАВАTIK»ЛАР НӘНИЛӘРГӘ ТАТАРЧА ЯҢА ЕЛ БӘЙРӘМЕ ТӘКЪДИМ ИТӘ

16 декабрьдә 18:00 сәгатьтә Бәшир Рәмиев исемендәге IT паркта «Салават күпере» журналының «СалаваTik» вокаль төркеме катнашында Татарча Яңа ел бәйрәме узачак.

Татарча Яңа ел бәйрәме фойедан – Чыршы тирәсендәге әйлән-бәйләннән башланып китәчәк. Кыш бабай, Куян һәм Аю нәни тамашачыларга төрле уеннар уйнатыр, җырлап-биеп, аларның күңелләрен күрер. Төп тамаша исә IT паркның конференц-залында узачак. Монда нәниләрне мультимедиа чаралары белән баетылган тылсымлы музыкаль әкият көтә. Яраткан «СалаваTik» төркеме белән бергәләп нәни тамашачылар вакыт буйлап сәяхәт итәр, иң популяр җырларны яраткан геройларына кушылып җырлар! Яңа елда яңа дуслар табар, могҗизалы хәлләргә юлыгыр, алардан чыгу юлын эзләр!