11 октябрь 2022 яңалыклары

Омск кардиологы, гемостазиологы Зарина Упина каһвә турында берничә танылган мифның чынлап та дөреслеккә туры килмәвен искәртте.

Татарстанда «Театраль Идел буе» балалар һәм яшьләр театры коллективлары фестиваленең төбәк этабы старт алды. Гариза һәм спектакльнең видеоверсиясен 2022 елның 1 декабренә кадәр бирергә мөмкин.

5-6 ноябрь «Дастан» иҗади башлангычларны үстерү оешмасы Бөтендөнья татар яшьләре форумы ярдәмендә Татарстан Республикасы Милли китапханәсендә Jadidfest  – яңа шәһәр татар мәдәнияте фестивале уздырачак. Аның төп темалары: ата-аналар белән балалар арасындагы мөнәсәбәтләр, тел тәрбиясе.

21-25 ноябрьдә Казанда ИХО илләренең Халыкара яшьләр фәнни конгрессы узачак. Мондый форматтагы конгресс беренче тапкыр уза һәм ул 5 көнгә исәпләнгән. Ул пленар утырыш, түгәрәк өстәлләр, интерактив семинарлар һәм мәдәни программадан торачак.