Илназ ФАЗУЛЛИН автор яңалыклары

Телефон элемтәсе булмаган җирдә ике көн яшәп буламы хәзерге заманда? Әгәр дә ул көннәрдә кызыклы, мавыктыргыч эшләр белән шөгыльләнсәң, бик була икән! Күптән түгел без – «Шәп блогер» командасы – Агыйдел елгасы буйлап йөзеп, Башкортстанның тарихи һәм урыны белән кыргый җирләрендә сәяхәттә булып кайттык.

Чемпионнар ачыкланды, көрәшчеләр чираттагы ярышларда кабат очрашачаклар, оештыручылар нәтиҗәләр чыгара. Һәр ярыштан соң күзәтелә торган гадәти хәл. Бу юлы 58 нче тапкыр узган Муса Җәлил истәлегенә «Ватаным Татарстан» газетасы гамәлгә куйган көрәш ярышына үзгә форматта йомгак ясарга ниятләдек.

11-13 февральдә традицион Муса Җәлил истәлегенә көрәш ярышы узды. "Ватаным Татарстан" газетасы гамәлгә куйган әлеге мәртәбәле ярыш быел Минзәләдә оештырылган иде. Яңа сезонның тәүге ярышында ачыкланган чемпионнар белән якыннанрак танышу максатыннан берничә сорау бирдек: "Көрәштән тыш нинди юнәлештә эшлисез, тагын нәрсәләр белән кызыксынасыз?", "Муса Җәлил турнирында җиңү мизгелләрен хәтерлисезме?"

16 гыйнварда чираттагы «Манзара» спорт-музыкаль премиясе иясе ачыкланды.

Татар халкында, Лаеш шулпасын эчү, дигән гыйбарә бар. Асылда тискәре мәгънәгә ия ул. Тик борынгылар күзаллавындагы Лаеш шулпасы бүген тулаем үзенең мәгънәсен уңай якка үзгәртте. Әле берничә елдан Лаеш батыры дигән фраза да сөйләмдә еш кулланыла башлар дигән өмет бар.

Телефонның зарядкасы иртәнгә кадәр җитәрме икән? Төнлә сүнеп, "таң әтәченең" чит телдә кычкырып җырлаган тавышын ишетми калсам, көрәш ярышына соңаруым бар бит! Бер сәгатькә иртәрәк килеп, иң яхшы урынны сайларга (каһәр, иртәнге алтыда ачылачак кассага чират алырга онытылган), аннары көрәшчеләрнең ярыш алдыннан уздыра торган "разминка"ларына да  күз кырые белән генә булса да карыйсы иде бит!