17 май 2023 яңалыклары

18, 19 майда «Беренчеләр хәрәкәте» бөтенроссия спорт фестивале кысаларында Казанның «Урам» экстрим-паркында концерт оештырылачак. Концертта «Моя Мишель» музыкаль төркеме чыгыш ясаячак. Фестивальнең мактаулы кунаклары рәтендә телевидение алып баручысы һәм спорт комментаторы Дмитрий Губерниев та булачак.

Татар телен өйрәнүгә һәм татар мәдәниятен үстерүгә багышланган «Үз телем»  проектлар бәйгесе игълан ителде. Бәйгенең оештыручысы Казан шәһәре Башкарма комитеты катнашучыларга телне өйрәнүнең ияләнгән формаларыннан читләшеп, үзенчәлекле яңа форматлар тәкъдим итәргә өнди.