5 декабрь 2021 яңалыклары

22 ноябрьдән 12 декабрьгә кадәр бөтен ил буенча «Саннар дәресе» Бөтенроссия акциясе уза. Татарстанда әлеге акция 3 декабрьдә «Унбер» лицеенда үткәрелде. Ачык дәрес кысаларында укучыларга компьютер уеннарын булдыру үзенчәлекләре турында сөйләделәр.

10нчы сыйныфка теркәлү урыны буенча укырга алмадылар һәм син шәһәрнең икенче башындагы мәктәпкә керергә мәҗбүр булдыңмы? Тиешле кешеләргә өстәмә «рәхмәт» әйтмичә имтихан тапшырып булмыймы? Ә суның чисталыгы тиешле дәрәҗәдәме? (Әйе, әйе, бу да шушы өлкәгә кагылышлы сорау) Таныш хәлләр, шулай бит? Һәр ел Коррупциягә каршы республика яшьләр форумында шушы сорауларны күтәрәләр һәм проблемаларны чишү юлларын эзлиләр.