26 октябрь 2021 яңалыклары

Физик мөмкинлекләре чикләнгән кешеләр өчен физкультура һәм спорт белән шөгыльләнү расписаниесе төзелеп, 1 августтан 6 муниципаль оешма йөзү, флорбол, мини-футбол, иппотерапия, дәвалау физкультурасы кебек юнәлешләр буенча күнегүләр үткәрелә башлады. 1 сентябрьдән исә бу исемлеккә тагын 9 объект кушылды.

26 октябрьдә Казанда икенче яшьләр туристик форумы старт алды. Бу чарага дип, бөтен Россиядән 240 катнашучы җыелачак. Форум барышында 35 Россия һәм чит ил спикеры, төрле өлкәләрдән килгән туроператорлар, медиа, трэвел-блогерлар, ИТ-компанияләр, профессиональ сәяхәтчеләр һәм туризм өлкәсендә хакимият органнары вәкилләре чыгыш ясаячак.

«Риваять» төрки-татар этнотөркеме 2011 елда оешып, бүгенге көндә Татар дөньясында яңгыраучы иң якты һәм үзенчәлекле музыкаль коллектив.  Төп максатлары булып музыка, уен-биюләр, җырлар аша традицион милли мәдәниятны саклау, ныгыту, пропагандалау тора.

«Форпост» республика үзәге ТР Яшьләр эшләре буенча министрлык белән берлектә «Свои» дип аталган проектның икенче агымы старт алу турында  игълан итә. Проект яшьләр һәм белгечләр командасының уртак эшенә юнәлтелгән. Ул яшьләргә бүгенге тормышта ярдәм итүне, яшүсмерләр арасында җинаятьчелекне киметүне һәм авыр яшүсмерләрне файдалы эшчәнлеккә тартуны күздә тота.