#КИТАПИҢШӘПБҮЛӘК ЧЕЛЛЕНДЖЫНА КУШЫЛ!

Ә син белә идеңме? 14 февраль Гашыйклар көне генә түгел, ә Халыкара китап бүләк итү көне дә бит әле. Әлеге көн уңаеннан Татнетны үстерү фонды #ӘдәбиМарафон проекты кысаларында Г.Камал театры, Шәрык клубы, Китап радиосы, Белем радиосы, Компетенцияләр мәктәбе һәм Балама студиясе белән берлектә #КитапИңШәпБүләк челленджын башлап җибәрде.

Әлеге челленджда катнашырга теләүчеләр сылтама буенча кереп, оештыручыларның хэштегларын күрсәтеп, китап бүләк иткән мизгелнең фотосын үз аккаунтларында урнаштырырга тиеш. Бу күркәм чарага син дә кушыл! Бүләкләр 14 февраль көнне 20:00 сәгатьтә биредә туры эфирда уйнатылачак.