«АПУШ»ТАН – «АВЫЛ ЭТЕ АКБАЙ» ПРЕМЬЕРАСЫ!

18 гыйнварда «Апуш» балалар театр студиясе Туфан Миңнуллинның «Авыл эте Акбай» пьесасы буенча мюзикл тәкъдим итәчәк. Премьераның төп үзенчәлеге – җанлы музыкаль бизәлеш. Махсус әлеге спектакль өчен «Музафаров-бэнд» дигән төркем оешкан, ул М.Мозаффаров исемендәге 18 нче балалар музыка мәктәбенең 5 шәкертеннән һәм 3 остазыннан тора.

Шәкертләрне премьерага студия остазлары – Г.Камал театры актеры, ТРның атказанган артисты Алмаз Сабирҗанов, ТРның атказанган артисты, К.Тинчурин театры артисты Гөлназ Нәүмәтова, ТРның атказанган мәдәният хезмәткәре, Казан театр училищесының вокал укытучысы Гөлнара Шәйхетдинова әзерләгән.

Премьера 18:00 сәгатьтә «Чулпан» мәдәният үзәгендә куелачак, дип хәбәр итә Казан Башкарма комитетының Тел культурасы өлкәсендә милли сәясәтне гамәлгә ашыру бүлеге.