20 август 2019 яңалыклары

1нче курска кабул ителүчеләр “ниһаять, бетте” дип сөенсә, быел 11 гә баручылар бераз дулкынланадыр. Киләсе елда бердәм дәүләт имтиханы биремнәрендә нинди үзгәрешләр көтелә?

Җәй – актив яшьләр өчен форумнарда катнашу вакыты да. Кемдер анда үзен күрсәтергә, ә кемдер грант отарга бара.  “Территория смыслов”  Бөтенроссия яшьләр уку-укыту форумында Татарстан яшьләре ике грант отты. Форумның шушы – алтынчы сменасы экомохит, экологиягә багышланган иде.

Әниләрне һәм булачак әниләрне бала тудыру йортыннан ук сабыйның юлдагы иминлеген тәэмин итәргә өйрәтәчәкләр. Республика клиник хастаханәсенең перинаталь үзәгендә мондый укуны ике белгеч узган инде. Нәкъ менә алар нарасыйны автомобиль өчен булган бишеккә утырту, беркетү һәм башка нечкәлекләренә төшендерәчәк.

Көн дә дөньяда миллионлаган селфи төшелә. Беләсезме, уңышлы селфи ясауның да үз кагыйдәләре бар икән бит! Иң мөһиме – эмоцияләр

Бу ятимнәр йортында әнисез яки әтисез балалар күп. Әтисез-әнисез балалар да бар. Кайберләренең әти-әнисе генә түгел, әби-бабасы, туган-тумачасы да юк. Анысы гына нәрсә... Айдарның туган көне дә юк хәтта. Барлыкка бар, тик дүрт елга бер генә килә. 29 нчы февраль көнне туган шул ул, кәбисә елны. Шуңа күрә, бер мәртәбә үткәрә дә өч ел рәттән туган көнсез, бәйрәмсез яши. Бу балалар йортына килгәч, ул әле бер дә үткәрмәде туган көнен.

Татарстанның “Созвездие-Йолдызлык” фестивале җиңүчесе, Яшел Үзән егете Данил Буранов “Новая волна” халыкара яшь башкаручылар конкурсында Россияне тәкъдим итәчәк.

Кемнең генә депутат буласы килми икән?! Республиканың Дәүләт Советы каршында эшләп килгән Яшьләр палатасында мондый мөмкинлек күптәннән бар. Әмма быел ул яңача эшли башлый.

Дүшәмбе көнне «Ак Барс» хоккей клубының социаль челтәрләрендә бер кызыклы видео барлыкка килде. Соңрак «Ак Барс» үзенең Вконтакте һәм Инстаграмында төп фотоны «843» дип язылган фотога үзгәртте. Бар җанатарлар да аптырашта калдылар, ә клуб интриганы суза килде.

Татарстанның яшьләр эшләре министрының беренче урынбасары Тимур Сөләйманов, “Студентлар лигасы”ның элеккеге президенты Элькин Искәндәров мондый фатир алуга ирешкән инде. Син дә йоклап ятмыйча тораклы була аласың! Социаль ипотека программасы буенча фатирлы булу өчен махсус конкурс дәвам итә. Аның гадәти социаль ипотекадан төп аермасы – торак өч ел көтәргә кирәк булмавында.

“Бер заман бардым Печән базарына,—  Шунда мин таптым азык язарыма. Иртә берлән кайнамакта бу базар,  Кайда баксаң, анда тулган сәүдәгәр. Кайсысы сатмактадыр, кайсы ала,  Берсе алдый, шунда берсе алдана”, -

Мәктәпләргә мобиль җайланмаларны куллануны чикләү мәсьәләсен карарга тәкъдим итәләр. Россиянең Мәгариф министрлыгы, Роспортребнадзор, Рособрнадзор һәм Россия белем бирү академиясе мондый идея белән чыккан.

Фотосурәт – тормышыбызда барган вакыйгалаларны, үзебез өчен кадерле кешеләрне, әйләнә-тирә гүзәллекләрен саклап калдыру өчен шәп чара. Алар ярдәмендә үткәндәге матур көннәргә, җылы хатирәләргә әйләнеп кайтырга, кайчандыр күңелебезне дулкынландырган хисләрне кичерегә була. Без, фотога төшүчеләр бу процессны менә шулай, хыялыйларча күзаллыйбыз. Ә бу процессның икенче ягындагы кеше – фотограф ниләр кичерә икән? Гомумән, фотограф – кем ул? Ул нинди сыйфатларга ия булырга тиеш? Казан Федераль университеты студенты, фотограф Диләрә Камалова белән әңгәмә дә шул сорауларга җавап эзләү нәтиҗәсе.