«ГАЗПРОМ» УКУЧЫЛАРЫ КАЗАНГА ҖЫЕЛДЫ

Казанда «Газпром» сыйныфлары укучыларының 15-20 май көннәрендә V слеты уза. Кичә аны тантаналы рәвештә «Сәйдәш» мәдәни үзәгендә ачып җибәрделәр. Чараның максаты – катнашучылар өчен «Газпром» ГАҖнең инновацион эшчәнлеген үстерүче мохит булдыру. Анда «Газпром»ның 21 бүлендек җәмгыятеннән 150 профильле сыйныф укучысы катнаша.

Әлеге зур чарага Россиянең төрле почмакларыннан кыз-егетләр җыелды. Алар арасында Татарстанга беренче тапкыр гына килүчеләр дә аз түгел. Атна буена укучылар фәнни-белем бирү, проект, мәдәни-ял һәм спорт блоклары буенча үзләрен сынап караячак. 17-19 май көннәрендә катнашучылар «Байтик» сәламәтләндерү-белем бирү комплексы базасында проект һәм тикшеренү эшчәнлегенә чумачак. Шулай ук алар өчен пешекче-кондитерларның остаханәләре, татар ризыгын әзерләү алымнарына өйрәтү һәм башка күп кенә файдалы сәгатьләр оештырылачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: