"ЗИЛАНТКОН-2015"

«Зиланткон-2015» фантастика һәм уеннар фестивале Казанлыларны һәм шәһәребез кунакларын үзенең юбилеена чакыра.

«Зиланткон-2015» фантастика һәм уеннар Халыкара фестиваленең XXV юбилее быел 5-8 нче ноябрь көннәрендә Казанда узачак. Фестиваль гадәттәгечә Ленин исемендәге Мәдәният йортында узачак.  Чараның рәсми ачылышы 5нче ноябрь көнне 15.00да булачак.

Фестивальдә футурология секциясе, рестлинг-шоу уздырылыр дип көтелә. Әлеге зур чара ел саен Россиянең төрле регионнарыннан 2000гә якын катнашучы һәм кунак җыя. Оештыручылар быел фестивальгә килүче Казанлылар саны тагын да артыр һәм фестиваль  бөтен кешеләр өчен зур бәйрәмгә әйләнер дип өметләнәләр.

Фестиваль программасында җиде юнәлеш үз эшчәнлеген алып барачак: әдәби, музыкаль. турнир, бию, ярминкә, уен практикасы һәм балалар, яшүсмерләр өчен әзерләнгән программа юнәлешләре.