"ЗӨЛФӘТ КЛУБЫ"

Якташ шагыйребез – Татарстан Республикасының Габдулла Тукай исемендәге Дәүләт премиясе лауреаты Зөлфәт абый мәрхүм булганнан соң, районыбыз үзәгендәге «Мизгел» исемле матур бинада «Зөлфәт клубы» ачылды. Ул клубка мин дә йөрим, шигырьләр язам. Без анда иҗат серләре белән танышабыз. Узган ел Әлмәт шәһәреннән бер төркем язучылар, шагыйрьләр килеп, район мәктәпләре укучылары белән очрашулар үткәрделәр, үз иҗатлары белән таныштырдылар.

Безнең Мөслимдә сәнгать мәктәбе дә бар. Анда шөгыльләнеп тә күп төрле сәләтләреңне үстерергә мөмкин. Мәсәлән, мин анда фортепьяно, курай, тальян, флейта, баян, скрипкада уйнарга өйрәндем.

Иң мөһиме – мәктәп елларыбыз, яшүсмерлек чорыбыз әрәм үтмәскә тиеш дип саныйм мин.