ПЕДАГОГИК ВУЗЛАРГА КЕРҮЧЕЛӘР ӨЧЕН ПРОФИЛЬЛЕ БДИ КЕРТЕЛӘЧӘК

Россия Мәгариф министрлыгы 2027 елдан педагогик юнәлештәге вузларга керүчеләр өчен профильле бердәм дәүләт имтиханын (ЕГЭ) кертергә планлаштыра. Бу хакта Россия мәгариф министры Сергей Кравцов хәбәр итте.

Яңа тәртип буенча имтихан предметы булачак белгечлек профиленә бәйле булачак. Мәсәлән, математика укытучысы булырга теләүче математика буенча, тарих укытучысы булырга әзерләнүче тарих буенча имтихан тапшырачак.

Сергей Кравцов сүзләренчә, педагогик вузларга кабул итүдә элек кулланылган әлеге алым яңадан кайтарылачак. Хәзерге вакытта педагогик юнәлешләргә керүчеләр мәҗбүри сынау буларак җәмгыять белеме буенча ЕГЭ тапшыра.