"ЯШЕЛ ПРИНТЕР"

Бу принтер – барча тереклек өчен көрәшә торган “яшелләрнең” яраткан гаджетыдыр, мөгаен. Ник дигәндә, беренчедән, аның эшчәнлеге өчен электр энергиясе кирәк түгел. Икенчедән, пешергәннән соң чәркә төбенә утырып калган каһвә оныннан кала, бу принтерга кара кирәкми. Өченчедән, әлеге RITI принтеры баскан документлар һәр тарафка каһвә исе таратып торачак. Бу гаджетның бер генә ягы уңайсыз: ул гамәлгә килсен өчен, бер кул белән кәгазь битен тартып, икенчесе белән кара савытын әле бер, әле икенче якка йөртергә кирәк булыр.