"XXI ГАСЫР ЛИДЕРЛАРЫ ТАТАРСТАНДА ЯШИ"

2015 нче елның 10 нчы декабрендә Россия Федерациясе Җәмәгать палатасында «Лидер XXI века» Россиякүләм лидерлар һәм яшьләр оешмасы җитәкчеләре бәйгесенең ябылу тантанасы узды.

Бәйге Яшьләр эшләре Федераль агентлыгы тарафыннан инде менә 13 ел дәвамында оештырыла.

Бәйгедә Россия Федерациясенең 61 регионыннан 400 дән артык катнашучы көч сынашты.

Татарстан Республикасы делегациясе әлеге бәйгедә үзен бары уңай яктан гына күрсәтте һәм республикабызда яшьләр сәясәтенең югары дәрәҗәдә булуын дәлилләделәр.

Бәйге нәтиҗәләре буеча, безнең лидерлар биш номинациядә җиңү яуладылар.

Призлы урыннар буенча Татарстан Россия Федерациясенең 61 регионы арасында беренчелекне алды.