ҮЗГӘРЕШ ҖИЛЕ: 5-6 НОЯБРЬ

2016 елны татар эстрадасы өчен мөһим бер дата итеп танырга туры киләчәк. Чөнки нәкъ менә шушы елның ноябрь аенда ул үзгәрешләр кичерергә тора. М.Җәлил исемендәге опера һәм балет театрында зур проект - ҮЗГӘРЕШ ҖИЛЕ фестивале башланачак.

https://youtu.be/QUMmGxeAcOA

Үзгәреш җиле кайсы яктан исә?

Татар эстрадасына яңа сулыш өрү идеясе Президентыбыз Рөстәм Миңнехановка Венера Ганиеваның туган көнен бәйрәм  иткән чорда килгән икән. Һәм шуннан соң кызу эш вакыты башланган: җырлар сайланган, аранжировкалар ясалган, проектка җырчыларны, оркестрларны чакырганнар. Һәм менә бик тиздән - инде ноябрьдә без бу зур эшнең нәтиҗәсен күрәчәкбез. Ә инде декабрь аенда татар җыры Мәскәүдә дә яңгыраячак.