"ТИНЧУРИН ХӘЙРИЯ АКЦИЯСЕ УЗДЫРА"

28 сентябрь көнне 14:00 сәгатьтә К. Тинчурин исемендәге Татар дәүләт драма һәм комедия театры ТР мөселманнары Диния нәзарәте каршындагы “Зәкәт” хәйрия фонды белән берлектә Казан шәһәре Пасечная урамы 6 адресы буенча урнашкан картлар йортында Корбан гаете һәм Өлкәннәр көне уңаеннан хәйрия акциясе үткәрә.

Чарада Ш.Фәрхетдинов әсәре буенча куелган “Алтын көз” спектаклен күрсәтү, корбан итен тапшыру, театр артистлары һәм картлар йортында яшәүче өлкәннәр белән чәй табыны артында әңгәмә кору күздә тотыла.