«ТАТАРСТАНЛЫЛАР БЕРЕНЧЕ!»

Россиянең төрле регионнарыннан җыелган 300дән артык бала дүрт көн дәвамында юл йөрү кагыйдәләре буенча белемнәрен тикшерделәр. Бәйгедә катнашучылар ПДД кагыйдәләре буенча тест эшләделәр, беренче ярдәм күрсәтү, велосипедта фигуралы йөрү буенча үзара ярыштылар, югарырак баллар тупларга һәм төркемнәрен беренчелеккә чыгарырга тырыштылар. Моннан тыш яшь инспекторлардан автошәһәрчекне белүләрен, юлда куркынычсызлык кагыйдәләрен саклау тәртибен, иҗади бәйгедә үзләрен күрсәтүләрен сорадылар.  

Бәйге нәтиҗәләре буенча, Татарстан төркеме «Безопасное колесо-2016» җиңүчесе булып калды. Казан шәһәренең Вахитов районы №18 мәктәп укучылары Халисә Абашева, Екатерина Сергеева, Шамилә Минниханова, Егор Сафинны шушы җиңүләре белән котлыйбыз!