«ТАТАРСТАНДА ДӨНЬЯ ЧЕМПИОНЫ ЯШИ»

3-12 нче июль көннәрендә Һиндстанның Мумбай шәһәрендә  физика буенча Дөньякүләм олимпиада узды. Россия төркеменә кергән 5 кеше арасында Билгеле бер фәннәрне тирәнтен өйрәнә торган № 6 Бөгелмә урта мәктәбе укучысы Алексей Красников та бар. Татарстан укучысы физика буенча иң яхшы нәтиҗәләр күрсәтеп, Дөньякүләм  олимпиада җиңүчесе исеменә лаек булды.

Татарстан Республикасының Мәгариф һәм фән министрлыгы хезмәткәрләре әйтүенчә, Алексей узган ел физика буенча Россиякүләм олимпиадада беренчелек яулаган. Быел исә физика һәм информатка буенча Бердәм дәүләт имтиханнарында 100әр балл, математикадан 96 балл җыйган.