"СОЗВЕЗДИЕ-ЙОЛДЫЗЛЫК" ЯКТЫЛЫГЫНДА"

«Созвездие-Йолдызлык» бәйгесе яңа сезонын башлап җибәрде.
Бүген, ягъни 4 нче февраль көнне «Татар-информ» мәгълүмат агентлыгында «Созвездие-Йолдызлык» бәйгесенә  багышланган махсус пресс-конференция  булып узды.

Оештыручылар белдерүенчә, бүгенге көндә Татарстанның берничә районында бәйгенең сайлап алу турлары башланып киткән. Мәсәлән, 4нче февраль көнне Яр Чаллы шәһәрендә балалар үз көчләрен сыный башлаганнар.

Пресс-конференция катнашучылары бәйгенең үзенчәлекләре, быелгы бәйге шартлары һәм киләчәккә планнар турында да сөйләделәр.