«САЙРА БАЛЫГЫННАН БУТЕРБРОДЛАР»

Кирәк булачак:

1 банка майлы сайра консервасы

Ярты батон яки ипи

50 г каты сыр

2 пешкән йомырка

2 аш кашыгы майонез

Яшел тәмләткечләр (укроп, петрушка һ.б)

Сайраның маен сыркытып, сөякләреннән чистартырга, чәнечке белән изәргә. Йомырка һәм суганны вакларга, сырны вак итеп уарга. Консервланган балыкка йомырка, суган һәм майонез кушып болгатырга. Батон телеменә әлеге катнашманы сыларга, өстенә сыр сибәргә һәм 180С кызулыктагы духовкада 5 минут чамасы сыр эрегәнче тотарга. Бутербродларны табынга кайнар килеш тә, суытып та чыгарырга мөмкин. Ашларыгыз тәмле булсын, дуслар!