ПИТРАУ: МАМАДЫШТАН ФОТОКҮЗӘТҮ

Питрау - җәйнең нәкъ уртасы. Бу көннән соң кошлар сайрамый, чәчәкләр дә атмый дип сөйлиләр. Шул көнне керәшен халкы җыелып, бәйрәм итә, яшь кызлар тәкыялар үреп, елгага агызалар - сөйгән ярлары кайсы яктан киләсен юрыйлар.

Ә балалар күңел ача, әлбәттә. Уеннарның ниндие генә булмый бу көнне.



Тирә-юньдәге иң чибәр кызны сайлау да нәкъ менә Питрау көненә туры килә. Кызлар осталыкта, уңганлыкта, үз тарихларын белүдә, җыр-биюдә ярышалар.



Балалар уйнап кына калмый, чын хуҗалар буларак, кунакларны каршы алырга да әзерләнә. Кунакны хөрмәтләп, җыр-бию, такмак белән каршы алырга кирәк бит.



Питрауда керәшеннәрнең тормыш-көнкүреше, йола-гадәтләре белән танышырга, кунак сыеннан авыз итәргә дә була.



Һәм менә алар - тәкыялар. Шушы җирлекнең иң матур чәчәкләреннән үрелгән.



Тылсымлы шалашта киләчәгеңне белергә, гомерлек ярыңны очратырга яисә кояштан качып утырырга була. Тылсымлы булгангамы икән, рәхәт-салкынча анда.



Һәм әйе, бу бәйрәм таңга кадәр бара.



Питрауга элек-электән туган-тумача гына түгел, күрше авылларда яшәүче дуслар да җыела торган була, татарлар, руслар, чувашлар, марилар...



Кешеләр генә түгел, кешенең дүрт аяклы дуслары да бу көнне ял итә, бәйрәм уеннарында катнаша.