«МУТКО - КАЗАНДА»

Казанга эш визиты белән РФ спорт министры, Су спорт төрләре буенча 16 нчы ФИНА дөнья чемпионатын үткәрү һәм әзерләү эшләрен оештыру комитеты председателе Виталий Мутко килде. Әлеге визит 30 июльгә кадәр сузылачак.

Программа буенча Виталий Мутко спорт объектларын карап чыгарга, су мундиале ярышларында булырга, суга сикерү һәм синхрон йөзү буенча җиңүчеләрне котлау тантанасында катнашырга уйлый.

Эш визиты кысаларында РФ спорт министрлыгы башлыгы Татарстанның мәдәни мирасы белән танышачак – Казан Кремленә иконалар күргәзмәсенә экскурсия кылачак, борынгы Болгар шәһәрен һәм Свияжск утрау-шәһәрен карап кайтачак.

Мәгълүмат Су спорт төрләре буенча 16 нчы ФИНА дөнья чемпионаты оештыру комитеты матбугат хезмәтеннән алынды