«БИКАФЕСТ»НЫҢ ЮБИЛЕЙ СЕЗОНЫ СТАРТ АЛА!

Иң иҗади фестиваль янәдән сәләтле яшьләрне туплый! Бүгеннән Рөстәм Бикмуллин исемендәге XXV Республикакүләм «БикаФест» яшьләр җыр-шигърият фестиваленә гаризалар кабул итүгә старт бирелә.

Балалар һәм яшьләрдә эстетик зәвык, музыкаль һәм шигъри культура тәрбияләүче һәм, иң мөһиме, аларның дусты, фикердәше, яшьләр лидеры, меценат автор-башкаручы Рөстәм Бикмуллинның истәлеген мәңгеләштерүче фестиваль ике этапта үткәрелә:

1 нче этап – гаризаларны кабул итү һәм катнашучыларны читтән торып портфолиолар (катнашучының иҗади конкурс һәм фестивальләрдә яулаган соңгы 2 ел казанышлары кабул ителә) һәм видеолар (катнашучы (үзе теләгән әсәрне сайлап) иҗади номерын видеога төшерә һәм аны гаризасында терки) нигезендә сайлап алу;

2 нче этап – катнашучыларны конкурс нигезендә сайлап алу. Катнашучыларның сәләтләре жюри тарафыннан бәяләнә.

Беренче этап нәтиҗәләре буенча, катнашучылар икенче этапка – конкурска чакырыла. Ул 2026 елның 21-22 нче ноябрь көннәрендә «Йолдызлы» базасында (Лаеш районы, Троицкий бистәсе) узачак. Конкурс нәтиҗәләре буенча, 22 нче ноябрь көнне фестивальнең Гала-концерты оештырылачак, анда «БикәФест» җиңүчеләре тантаналы рәвештә бүләкләнәчәк.

«БикаФест» фестивалендә иҗади коллективлар һәм аерым чыгыш ясаучылар катнаша ала. Музыкаль юнәлеш катнашучыларының яше – 12 яшьтән алып 25 яшькә кадәр. Әдәби юнәлеш катнашучыларының яше – 8 яшьтән алып 25 яшькә кадәр. Фестивальдә катнашу өчен мәҗбүри шарт – конкурс узу елын кертеп, ике календарь ел буе «Сәләт» проектларында катнашу; бу сертификатлар белән расланырга тиеш.

«БикаФест» фестивале ике юнәлештә үткәрелә:

Музыкаль юнәлеш:

1.1 Автор җырын иң оста башкаручы: бу номинациядә җырның көен һәм сүзләрен үзләре иҗат иткән вокалистлар һәм коллективлар катнаша ала; җырны фонограммага да (минус), шулай ук тере аккомпанементка да башкарырга мөмкин.

1.2. Иң оста коллектив-башкаручы: бу номинациядә катнашучы коллективлар җырны фонограммага (минус)/тере аккомпанементка/акапелла башкара ала.

1.3 Татар халык җырын иң оста башкаручы: бу номинациядә катнашучы вокалистлар татар халык җырын фонограммага (минус)/тере аккомпанементка/акапелла башкара ала.

1.4 Татар композиторларының академик әсәрен иң оста башкаручы: бу номинациядә катнашучы вокалистлар татар композиторлары язган романслар/арияләрне тере аккомпанементка/фонограммага (минус) башкара ала.

1.5 Эстрада җырын иң оста башкаручы: бу номинациядә катнашучы вокалистлар эстрада җырларын фонограммага (минус)/тере аккомпанементка башкара ала.

2. Әдәби юнәлеш:

2.1 Үз әсәрен иң оста укучы: бу номинациядә шигърият/проза/әдәби-музыкаль композиция жанрларында үзләре иҗат иткән әсәрне яттан укучылар катнаша ала.

2.2 Башка автор әсәрен иң оста укучы: бу номинациядә шигърият/проза/әдәби-музыкаль композиция жанрларында әсәрне яттан укучылар катнаша ала.

25 нче тапкыр уздырылучы фестиваль быел да шәп яңалыклар әзерләде. Гаризалар 8 ноябрь көнне 23:59 сәгатькә кадәр selet.biz сайтында кабул ителә. Яңа талантларга канатларын җәяргә мөмкинлек бирүче Рөстәм Бикмуллин исемендәге Республикакүләм «БикаФест» яшьләр җыр-шигырь фестивале хакында тулырак мәгълүмат selet.biz сайтында.