«ПУШКИН КАРТАСЫ» ӨЧ РЕСПУБЛИКАНЫ БЕРЛӘШТЕРӘЧӘК

Татарстан, Марий Эл һәм Чувашиядә «Пушкин картасы» буенча уртак мәдәни киңлек булдырырга планлаштыралар. Бу хакта Йошкар-Олада узган төбәкара түгәрәк өстәлдә сөйләштеләр.

Башлангыч гамәлгә ашса, мәктәп укучылары һәм студентлар күрше республикалардагы музей, театр һәм башка мәдәни мәйданчыкларга йөри алачак.

2026 елда Татарстанда 407 мең яшь кеше «Пушкин картасы» рәсмиләштергән. Елның беренче яртысында программа буенча 437 мең билет сатылган.

Яшьләр арасында иң популяр юнәлешләр — кино, театрлар, мәдәният йортлары һәм музейлар.