МАХСУС УЕН МӘЙДАНЧЫГЫ

Казанда физик мөмкинлекләре чикләнгән балалар өчен махсус уен мәйданчыгы ачылачак. Аны бик тиздән - 27 октябрь көнне ачачаклар.

Мәйданчыктагы барнәрсә коляска ярдәмендә генә йөри алучылар өчен җайлы итеп ясалган. Куличлар әвәләү өчен өстәл дә, комлык та, туп ыргыту өчен боҗаралар да, эскәмияләр дә. Монда аркага ятып, кул белән генә хәрәкәтләнә торган "гусеница" да бар. Мәйданчык идәненә коляска белән йөрер өчен уңайлы резина түшәлгән.

Бүген алар өчен "кайнар линия" дә эшли башлады. Дәвалану, техник җиһазлар турында сорауларны 8 (843) 236-89-15, 8 (843) 236-40-17, 8 (843) 236-40-62 номерларына шалтыратып бирергә була.

Бу хакта Татарстанның бала хокуклары буенча вәкаләтле вәкиле хәбәр итә.