"МАРСЕЛЬ СӘЛИМҖАНОВ ИСЕМЕНДӘГЕ РЕСПУБЛИКА ПРЕМИЯЛӘРЕ ҮЗ ИЯЛӘРЕН ТАПТЫ"

7 нче ноябрь  көнне Г.Камал исемендәге Татар дәүләт академия театрында беренче тапкыр Марсель Сәлимҗанов исемендәге Республика премиясе тапшырылды. Әлеге премия Татарстан Республикасы театр сәнгате үсешенә зур өлеш керткән өчен бирелә. Премиянең ике елга бер генә тапкыр бирелүе бүләкнең кыйммәтен һәм кадерен тагын да арттыра.

Бүләкләү тантанасын Татарстанның халык артисты Искәндәр Хәйруллин һәм Татарстанның артказанган артисткасы Алсу Каюмова алып бардылар. Тантанага килүчеләрне Татарстан Республикасы Дәүләт советы рәисе Фәрит Мөхәммәтшин сәламләде.

2015 нче елның Марсель Сәлимҗанов исемендәге Республика премияләренә Татарстанның һәм Россиянең халык артисты Ринат Таҗетдинов, Г.Тукай исемендәге Әтнә дәүләт драма театры артисты Гомәр Мәрданов, Түбән Кама татар дәүләт драма театры артисты Рөстәм Галиев лаек булдылар.

[gallery size="full" ids="4494,4493,4492"]