«МӘХӘББӘТ ТАРИХЫ»

Исеңдәме, гашыйк булдык,

Дәрья сулары – хисләр.

Зәңгәрсу синең күзләрең,

Аларда минем күзләр.

Сөю диңгезендә йөздек,

Яндык кайнар учакта.

Тик күбәләктәй булды сөю,

Югалды таң чыгында.

Сине эзләп күпме язлар

Сагышланып үттеләр.

Ялгыз йөрәк сине көтте,

Гөлләр сулып беттеләр.

Маңгайда инде сырлар,

Чәчләргә дә чал кергән.

Сине көткән яз айлары

Күптәннән үтеп киткән.

Алинә Васильева, Мамадыш районы, Дүсмәт авылы