«МӘҢГЕ ХӘТЕРДӘ»

Туган як...

Синдәгедәй бармы икән мондый язлар,

Кар-буранлы кышлар патшасы?!

Күбәләкле, шау чәчәкле җәйләр,

Алтын-сары көзләр гаммасы.

Юктыр! Юктыр!

Син күңлемә якын,

Син җанымда минем, туган як!

Синдә тамган минем кендек каным,

Синдә үткән минем балачак.

Аерса да язмыш мине синнән,

Мин онытмам сине, туган як!

Балачакның гүзәл мизгелләре

Хәтеремдә мәңге калачак.