«КЕЧКЕНӘДӘН ПРОГРАММИСТ БУЛЫП ҮСӘЛӘР»

2016 нчы елның 31 нче мартында Саратов шәһәренең Балалар һәм яшүсмерләр иҗат сараенда «Интеллектуальная олимпиада Приволжского федерального округа» бәйгесенең йомгаклау туры булып узды. Әлеге бәйге ел саен мәктәп укучылары өчен махсус оештырыла.

30 нчы март көнне Идел буе регионнарыннан килгән 150дән артык укучы «Что? Где? Когда?», «Программирование», «Робототехника» һәм «Решение изобретательских задач» номинацияләрендә үзара көч сынашты. Моннан тыш катнашучылар өчен шәһәр буенча экскурсия дә каралган иде.