"КАЗАНДА АСТРОНОМИЯ БУЕНЧА ХАЛЫКАРА ОЛИМПИАДА УЗАЧАК"

15-23 нче октябрь көннәрендә Казанда мәктәп укучылары арасында Астрономия буенча Халыкара олимпиада узачак. Бу олимпиада XX тапкыр уздырыла икән инде. Быел олимпиадада Румыния, Македония, Корея, Һиндстан, Италия, Армения, Казакъстан, Швеция һәм Россиянең иң уңган, иң булган, астрономиягә баштан-аяк гашыйк 60 баласы катнашачак.

Ярышлар өч турдан тора:

1) теоретик белемнәрне тикшерү;

2) күзәтү туры;

3) практик өлеш.

Олимпиаданың күзәтү өлеше Казан федераль университетының В.П.Энгельгарт исемендәге Астрономия обсерваториясендә уздырылачак.

Астрономия буенча Халыкара олимпиаданың ачылу тантанасы 2015нче елның 16нчы октябрендә Казан Ратушасында була.