"КАЗАН КЫЗЛАРЫ ИТАЛИЯНЕ НИЧЕК ЯУЛЫЙ?"

Казан шәһәре операсы солисткасы Гульнора Гатина Италиядә уздырылган музыкаль бәйге җиңүчесе исеменә лаек булды.

Муса Җәлил исемендәге Татар академия дәүләт опера һәм балет театры солисткасы Гульнора гатина Италиядә уздырылган опера җырларын башкаручы яшь җырчылар бәйгесендә катнашып, иң яхшы җырчы исемен алып кайтты. Concorso Per Giovani Cantanti Lirici D'Europa бәйгесе күп еллар дәвамында уздырыла һәм дөньякүләм аренада бик мәртәбәле бәйгеләрнең берсе булып санала. Быел бәйге Комо шәһәрендә  7-10 нчы гыйнвар көннәрендә узды.

Җиңүче Гульнораны хәзер «Турандот» операсы белән Италиядә көтәләр.