"ЯҢА БИЛЕТ ТАШЛАМА БЕЛӘН"

110 юбилей сезонында Г.Камал исемендәге Татар дәүләт Академия театры гадәти булмаган акция уздыра! Акция 2016 елның 20 гыйнварыннан 28 февраленә кадәр дәвам итә. Камал театры спектакльләренә алынган һәм кулланылган билетларны кассага тапшырган тамашачы яңа билетларны 25 % ташлама белән сатып алачак.

Акциянең шартлары:

1. Иске билет – театрның үткән сезоннар (1нче сезоннан алып 109 сезонга кадәр) спектакленә сатып алынган һәм кулланылган булырга тиеш.

2. Иске билет өчен 2016 елның 20 гыйнварыннан 28 февраленә кадәр булган спектакльгә 25 % ташлама белән билет сатып алырга мөмкин.

3. Иске билетларны тапшырып, яңа билетны ташлама белән алу өчен Камал театры кассасына килергә кирәк. Адрес: Казан ш., Татарстан ур.,1.

Акция кысаларында Камал театры, шулай ук, иң борынгы билетка конкурс игълан итә. Иң борынгы билет хуҗасы татар театры тарихына багышланган 2 томлык альбомга ия булачак. Элемтә өчен театр кассасы хезмәткәренә контактларыгызны калдыру сорала. Конкурс нәтиҗәләре 2016 елның 1 мартында игълан ителә.