КАМАЛ ТЕАТРЫ ЯРАТКАН АРТИСТЫҢ БЕЛӘН КҮРЕШТЕРӘ! /видео/

Камал театрының яңа проектында катнаш – яраткан артистың белән күреш!

Г.Камал исемендәге Татар дәүләт Академия театры «Kamal Backstage» проектын башлап җибәрә. Әлеге проектның максаты – тамашачылар белән якыннанрак танышу.

13 февраль көненнән башлап, тамашачыларның  яраткан артистлары белән очрашулар оештырыла, спектакльләргә чакыру билетлары уйнатыла. Атнаның һәр дүшәмбесендә 3 чакыру билеты (һәрберсе 2 кешелек) уйнату игълан ителә. Киләсе дүшәмбедә – 20 февральдә компьютерның очраклы саннар генераторы өч җиңүчене билгели.

Җиңүчеләр чакыру билетлары белән бүләкләнә. Житмәсә, аларга спектакльдән соң, сәхнә артына кереп, декорацияләр янында фотога төшү, театраль костюмнар киеп карау, яраткан артистлары белән аралашу һәм автограф алу мөмкинлеге дә булачак.

Акциядә катнашу өчен, махсус кагыйдәләрне үтәргә кирәк. Мисал өчен, беренче билетлар «Хужа Насретдин» спектакленә уйнатыла. Бу спектакльдән соң, конкурсның җиңүчеләре Россиянең һәм Татарстанның халык артисты Ринат Таҗетдинов һәм Татарстанның атказанган артисты Фәнис Җиһанша һәм Лёля кушаматлы ишәк белән фотога төшә, аралаша алачак.

[embed]https://www.youtube.com/playlist?list=PLJOWDFHqeHwE24no7SLdpj9-_CAHXOIO_[/embed]