ХАЛЫКЛАР БЕРГӘЛЕГЕ БӘЙРӘМЕН БЕРГӘЛӘП КАРШЫЛАРГА ЧАКЫРАЛАР

4 ноябрь, җомга, Халыклар бергәлеге бәйрәме көнне без барыбыз да ял итәчәкбез. Ялыбыз тагын да күңеллерәк булсын өчен Кремль яр буенда бәйрәм концерты оештырылачак.  Башлана 12.30 сәгатьтә.

Кайнар чәй - оештыручылардан, дуслык атмосферасы - үзебездән

Казан - күптөрле милләтләр дус булып яши торган шәһәр. Шуңа бу бәйрәм дә - нәкъ безнеке дигән фикердә тора оештыручылар. Оештыручылар дигәннән, кем соң алар? Татарстан Республикасының "Ватан" беләшмәсе һәм шулай ук Республикабызның теләктәшлекне үстерү үзәге икән.

 

Нинди көн ул - 4 ноябрь 

Бәйрәмнең тамырлары Русьтагы "смута" - болганчык елларга барып тоташа икән. Поляклар бу җирләргә хуҗа булмасын дип, 1612 елның җәе-көз айларындашушы территориядә яшәүче барлык халыклар берләшеп каршылык күрсәтә. Аннан соң да, туган җиргә, туган-якыннарына куркыныч янаган саен, без берләшеп саклаганбыз бит җиребезне. Әнә шул бергәлекне, дуслыкны бәйрәм итәләр ул 4 ноябрь көнне.