«СБЕРБАНК ҺӘМ GOOGLE ҮЗ БИЗНЕСЫҢНЫ БУЛДЫРЫРГА ЯРДӘМ ИТӘ»
Дустым, әти-әниең, абый-апаңның үз эшен, бизнесын булдырасы килә, ләкин нәрсәдән башларга, кая «барып бәрелергә» белми йөриме? Син аларга ярдәм итә аласың. Чын әйтәм.
Сбербанк һәм Google компанияләре бизнес белән шөгыльләнергә теләгән һәркемгә бушлай уку мөмкинлеге бирә. «Бизнес класс» дип аталган әлеге проект 25 яшьтән алып 55 яшькәчә булган Татарстан Республикасы гражданнарына юриспруденция, икътисад, интернет челтәрләрендә эшләү һәм бизнес алып бару буенча белем бирәчәк.
Курслар 2016 нчы елның 15 нче маенда башланып китәр һәм 6 ай дәвамында барыр дип көтелә. Дәресләр онлайн һәм оффлайн форматта булачак. «Бизнес класс» курсларында 1000 артык кеше катнашачак. Катнашучылар ике төркемдә эшлиячәк:
1) 25-55 яшьтәге булачак эшмәкәрләр
2) актив эшчәнлек алып баручы эшмәкәрләр
«Бизнес класс» курсларын бик уңышлы тәмамлаган берничә эшмәкәрне ахырдан шактый зур бүләк тә көтә. Сбербанк эшмәкәрләргә 6 ай дәвамында бушлай хезмәт, ә Google реклама өлкәсендә бушлай ярдәм күрсәтәчәк.
«Мин нәрсә эшли алам соң» - дип аптырыйсыңмы? Җавап бик гади. Үз эшен булдырырга теләгән якыннарыңа бу язманы күрсәт һәм «Бизнес класс» сайтына кереп, гариза тутырырга ярдәм ит. Мөмкинлекне кулыгыздан ычкындырмагыз!
Следите за самым важным и интересным в Telegram-каналеТатмедиа
Белми калма
-
25 августа 2025 - 15:45
КСЕНИЯ ДУКАЛИС КАЗАН ГЛОБАЛЬ ЯШЬЛӘР САММИТЫНДА ЧЫГЫШ ЯСАЯЧАК
-
15 августа 2025 - 11:19
КАЗАНДА БРЕЙКИНГ ҺӘМ УРАМ СӘНГАТЕ БУЕНЧА 17 ХАЛЫКАРА ТУРНИР «КОМБОНЕЙШН» УЗАЧАК
-
13 августа 2025 - 15:41
ТАТАР ТЕЛЛЕ РАДИОЛАР АРАСЫНДА ВОЛЕЙБОЛ УЕННАРЫ
-
11 августа 2025 - 15:32
Архитектура һәм дизайн өлкәсендә үзеңне сынап карарга мөмкинлек: «ЯШЬЛӘР ҺӘМ ШӘҺӘР МОХИТЕ» ФОРУМЫ
Нет комментариев