"БАЛАЛАР ТАТАР ХАЛЫК ӘКИЯТЛӘРЕ БЕЛӘН ТАНЫШАЛАР"

«Открытые системы» нәшрияте һәм «ПониМашка» балалар журналы «Сказки народов России» дип исемләнгән яңа проект башлап җибәрделәр.

Әлеге проект нигезендә, һәр ай саен берәр республика эпосына багышланган тематик «ПониМашка» журналы чыгачак.

«Сказки народов России» проектының төп максаты - мәктәпкәчә яшьтәге балаларны халыклар әкиятләре, Россия халыкларының гореф-гадәтләре белән таныштыру.

Август азагында «ПониМашка и лапти-скороходы. Татарские народные сказки» дип исемләнгән номер сатуга чыкты.