"ҺАВАДАГЫ РӘСЕМНӘР"

Син миңа ручка җене кагылган дип уйлыйсыңдыр инде? Һичьюгында бер каләм турында хәбәр итмичә калмыйм. Бу юлы язмам дигән идем дә... 3Doodler дип аталган 3D-принтер-ручкага тап булдым. Аның турында сиңа сөйләмәсәм, тынычлап йоклый алмаячакмын бит инде. Бу ручка күз алдында тылсым тудыра, һавада рәсемнәр пәйда була, ләкин алар проект кебек эреп юкка чыкмый, ә реаль предметлар булып тормышта яши башлый. Әлбәттә, бу ручка ярдәмендә, трафарет яки кәгазьдә рәсем ясап, аларны аннары «реальләштерергә» дә мөмкин. Тик бу ысул әллә ни гаҗәпләндерми. 3Doodlerны ясау өчен: 3D-принтерның җылытучы башын алганнар, арткы өлешенә махсус пластилин (ABS яки PLA) куела. Бу пластилин бөтен җайланма аша уза, һәм эретелгән халәттә пәйда була («паста»сы шул инде аның).