Логотип Идель
Ялкын

"ӘТИ БУЛУ СЕРЛƏРЕ"

Хәзерге вакытта Корстон күңел ачу һәм сату-алу үзәгендә Əниләр көне уңаеннан "Святость материнства" дип аталган Дүртенче Россиякүләм форум уза. Форум берничә көн дәвам итә. Бүген Россиянең төрле регионнарыннан килгән кунаклар өчен махсус секцияләр оештырылды. Шундый түгәрәк өстәлләрнең берсе гаилә терәге, чын ата булу серләренә багышланды.

Утырышны алып баручылар әйтүенчә, балада кечкенәдән үк әти образын, киләчкт әти булу мотивын, теләген булдырырга кирәк. "Балаларда әтигә карата дөрес мөнәсәбәт тәрбияләргә кирәк", - ди "Отцовство - Дар и Долг" проекты җитәкчесе. Галимнәр билгеләвенчә, яхшы ата-ана булу өчен интеллект кына җитми. Мәктәпне алтын медальгә бетергән кешеләр яхшы әти-әни була дигән сүз түгел. Ир кеше һәрвакыт үзен авторитет итеп хис итәргә тели. Бу очракта баланың әтигә мөнәсәбәте, атаның авторитет булу-булмавы әнидән тора.

Дин кагыйдәләре буенча да әти гаиләдә баш, хатынына һәм балаларына терәк булырга тиеш. Сораштырулардан күренгәнчә, еш кына "гаиләдә баш булу"ның нәрсә икәнлегәнә төшенеп бетмиләр. Шуның аркасында ир белән хатын арасындагы мөнәсәбәтләр бозыла.

Ир кешенең максаты - ата булу, хатын-кызның максаты - ана булу.

"Укрепление института отцовства - залог сохранения традиционной семьи" түгәрәк өстәле оештыручылары әйтүенчә, гаилә институтында проблемалар шактый. Зур проблемалар булганда, вак-төяк мәшәкатьләр игътибарсыз кала икән. Мәсәлән, бездә әтиләргә багышланган шигырьләр саны бик аз. Ə әдәбият гаилә институтын ныгытуда, матур гаилә булдыруда бик мөһим роль уйный икән.

"Ялкын" журналы инициативаны үз кулларыбызга алырга һәм әтиләр турында шигырь язарга тәкъдим итә.

Следите за самым важным и интересным в Telegram-каналеТатмедиа

Нет комментариев