АПАС ОТЛИЧНИКЛАРЫ ДИҢГЕЗДӘН КАЙТА

Ә бу көннәрдә Апас отличниклары диңгез белән саубуллаша. Чөнки аларның Кара диңгез буендагы 18 көнлек яллары тәмамланып килә.

Апаста шундый традиция бар: ел дәвамынды фән һәм спорт ярышларында җиңгән, шулай ук ата-ана яклавыннан мәхрүм калган балаларга диңгезгә юллама бүләк итәләр. Быел да 30 бала һәм 2 әйдаман Кырымда ял итте.

Апас отличниклары бәхетенә тәтегән бүләкнең “авторы” – район башлыгы Рәшид Шаһидуллин, дип хәбәр иттеләр безгә Апастан.

Ял үзе бетсә дә, көндәлекләрдә, фотоларда кала ул. Без шул диңгез исе аңкып торган көндәлекләрне көтәбез дә! Апаслар безнең белән тәэсирләрен, фикерләрен, фотоларын уртаклашырга сүз бирде чөнки.