«АЛМА ПЕШ, АВЫЗЫМА ТӨШ»

Алмадан кайнатма ясап караганың бармы? Хи, тапкансың сорар нәрсә, ул кайнатманы җәй ясаен ясыйбыз дисеңме?! Алайса, сине, дустым, гади рецепт белән генә таң калдырып булмый. Шуңа күрә «Ялкын» үзенчәлекле кайнатма ясап карарга тәкъдим итә.

Безгә кирәк булачак: алма, «сгущеное молоко»,  шикәр комы һәм су.

Алмаларның кабыгын әрчергә һәм турарга кирәк. Барлык алманы кәстрүлгә сал. 

Су, шикәр комы сал һәм алмалар йомшарганчы төнәт.

Блендер, процессор яки миксер ярдәмендә боламык халәтенә китер.

Кайнатылган сөт (ягъни сгущеное молоко) сал, бута һәм әкрен утка кайнатырга куй. 7-10 минут кайнатканнан соң банкаларга бушатып куярга мөмкин.